Breathnach, Tomás (c.1867-?)
Tue, 11/29/2011 - 15:41 | by Eoghan
Comhlánaíodh foirm eolais phearsanta (‘Personalbogen’) do gach cainteoir ag seisiúin taifeadta Scéim Doegen 1928-31. Is as na foirmeacha sin go príomha atá an t-eolas seo thíos bainte.
Nóta beathaisnéise
Breathnach (Walsh), Tomás (Tomas, Thomas) (c.1867-?): Rugadh Tomás Breathnach ar an gCloch Bhreac, An Fhairche, contae na Gaillimhe, timpeall na bliana 1867. Ba ghaibhne iad a athair agus a dheartháireacha, agus ba mhúinteoir i Scoil Náisiúnta é féin. Fuair sé a chuid bunscolaíochta sa Scoil Náisiúnta ar an gCloch Bhreac, agus ina dhiaidh sin d'fhreastail sé ar scoil ghramadaí. Chuaigh sé go Baile Átha Cliath le cáilíocht a fháil i gcoláiste oiliúna múinteoirí. Cé is moite den seal seo i mBaile Átha Cliath, is cosúil gur chónaigh sé i gcontae na Gaillimhe ar feadh a shaoil: i gCluain Brón, i gCorr na Móna agus ar an gCloch Bhreac, áit a raibh cónaí air le linn dhaonáirimh 1901 [http://www.census.nationalarchives.ie/reels/nai000836893/] agus 1911 [http://www.census.nationalarchives.ie/reels/nai002428555/]. Phós sé Mary Walsh timpeall na bliana 1904. Rugadh cúigear páistí dóibh roimh 1911, ach níor mhair ach ceathrar acu. Tá sé luaite mar sheanchaí in Tomás Ó Máille, Urlabhraidheacht agus Graiméar na Gaedhilge, Cuid 1 (BÁC, 1927). Tá roinnt scéalta béaloidis a soláthraíodh do An Stoc idir Lúnasa 1918 agus Lúnasa 1920 a luaitear 'Tomás Breathnach, gabha' leo. Seans gurbh é seo an fear céanna. Don ábhar béaloidis seo, féach Risteárd de hAe, Clár Litridheacht na Nua-Ghaedhilge (BÁC, 1938-40), innéacs.
Foirm Eolais Phearsanta ('Personalbogen')
Comhlánaíodh foirm eolais phearsanta (‘Personalbogen’) do gach cainteoir ag seisiúin taifeadta Scéim Doegen 1928-31. Is as na foirmeacha sin go príomha atá an t-eolas seo thíos bainte. | Gnéas | Fireann |
|---|---|
| Foirm(eacha) Personalbogen a bhaineann leis an gcainteoir seo (Tagairt Leabharlann an RIA) | Doegen P-B/143 |
| Ceirníní a bhaineann leis an gcainteoir seo | LA 1103 |
| Teidil na rianta a bhaineann leis an gcainteoir seo | An mac doscaíoch (cuid 1) - Tomás Breathnach (c.1867-?) An mac doscaíoch (cuid 2) - Tomás Breathnach (c.1867-?) |
| Rian(ta) a bhaineann leis an gcainteoir seo (Leagan Úsáideora) | LA_1103d1, LA_1103d2 |
| Céadainm (Canónta) | Tomás |
| Sloinne (Canónta) | Breathnach |
| Leagan(acha) eile den chéadainm | Níl faisnéis ar fáil. |
| Leagan(acha) eile den sloinne | Níl faisnéis ar fáil. |
| Contae dúchais | Co. na Gaillimhe |
| Seoladh | An Chloch Bhreac, An Fhairche, Co. na Gaillimhe |
| Aois | 63 |
| Dáta breithe | Níl faisnéis ar fáil. |
| Áit bhreithe | An Chloch Bhreac, An Fhairche, Co. na Gaillimhe |
| Baile mór is gaire don áit bhreithe | Baile an Róba, Co. Mhaigh Eo |
| Áit(eanna) ina raibh cónaí air/uirthi ó aois 0-6 | An Chloch Bhreac, Co. na Gaillimhe |
| Áit(eanna) ina raibh cónaí air/uirthi ó aois 7-20 | An Chloch Bhreac, Co. na Gaillimhe |
| Áit(eanna) ina raibh cónaí air/uirthi ó aois 20 | Cluain Brón; Corr na Móna; An Chloch Bhreac (go léir i gCo. na Gaillimhe). |
| Oideachas | Scoil Náisiúnta, An Chloch Bhreac, Co. na Gaillimhe; scoil ghramadaí (cén áit?); coláiste oiliúna múinteoirí, Baile Átha Cliath |
| Áit dúchais an athar | An Chloch Bhreac, Co. na Gaillimhe |
| Áit dúchais na máthar | An Choill Bheag (3 mhíle soir ón gCloch Bhreac, Co. na Gaillimhe) |
| Slí bheatha an athar | Gabha |
| Náisiúntacht | Éireannach |
| Máthairtheanga | Gaeilge |
| Teangacha eile seachas an Ghaeilge | Níl faisnéis ar fáil. |
| In ann léamh? | Tá (Gaeilge, Béarla agus Laidin) |
| In ann scríobh? | Tá (Gaeilge agus Béarla) |
| In ann uirlis cheoil a sheinnt? | Níl |
| In ann ceol de chineál nua-aimseartha Eorpach a chanadh/sheinnt? | Tá |
| Reiligiún | Caitliceach |
| Slí bheatha | Múinteoir scoile |
| Ainmneacha ar an bhfoirm (e.g. baill d'fhochoiste an RIA) | Tomás Ó Máille, L. Ó Buachalla |
| Ráitis mar gheall ar urlabhra an chainteora srl. | "deep voice" |
