Tras-scríbhinn

Ó, a Mháire óg na gcian (do mhór-chuimrí) Dia,
Ná hísligh is ná hardaigh, ná fuiling mé i bpian,
Gluais liom faoin tsliabh san áit a (gcodlaíonn) an fia,
Ó, sna gleanntaí ag déanamh lionn dubh, ó, is gur leat a chaill mé mo chiall.

Gheofainn go leor, lucht síodaí agus sróil,
An muislín ag dul le gaothaigh is an fáinne buí óir,
Ní leofa a bhím ag (gabháil) ach leat, ó, a mhíle stór,
A (cheolshearc) an Iarla Antroim, ó, is tú an brainse fionn óir.

Aistriúchán

Oh, young Mary of the sorrows (...),
Don't lower and don't raise, don't let me remain in pain,
Go with me to the mountain where the deer sleeps(?),
To the glens in sorrow, oh! it is you who caused me to loose my sense.

I could get plenty, people of silk and satin,
Muslin blowing in the wind and the ring of yellow gold,
It is not with(?) them I (...) but with(?) you, my darling,
O love(?) of the Earl of Antrim, oh, you are the fair golden branch.

Tráchtaireacht

Tá an t-amhrán grá seo le fáil i bhfoilseacháin éagsúla faoi theidil éagsúla, mar shampla: 'Máire Óg na gCliabhann', 'Máire Óg na gCian', 'Bríghid Óg na gCiabh', 'Bríghid Nic Dhómhnaill' agus 'The Fourth Song for Bridget Cruise'. Foilsíodh seacht véarsa, a raibh dhá cheann acu cosúil leis na cinn atá ar an taifeadadh seo in Micheál Ó Tiománaidhe, Abhráin Ghaedhilge an Iarthair (BÁC, 1906), uimh. 13. Féách eagrán nua William Mahon: Amhráin Ghaeilge an Iarthair (Indreabhán 1992), 27. Bhailigh Patrick Lynch leaganacha den amhrán go luath sa 19ú haois. Féach Colette Moloney, The Irish music manuscripts of Edward Bunting 1773-1843: an introduction and catalogue (BÁC, 2000), 208, 223, 283. D'fhoilsigh Edward Bunting fonn dar teideal 'Máire Óg na gCliabh' in The ancient music of Ireland (BÁC, 1840), 49. Leagann lámhscríbhinní áirithe an t-amhrán seo ar an gcláirseoir aitheanta Toirdhealbhach Ó Cearbhalláin (1670–1738) agus tugtar 'The Fourth Song for Bridget Cruise' air uaireanta. Féach Donal O'Sullivan, Carolan (2 iml., Londain, 1958), iml. 1, 180). Tá sé le fáil faoin teideal 'Bríghid Óg na gCiabh' in Tomás Ó Máille, Amhráin Chearbhalláin (Londain, 1915), 233. Leagann foinsí údarásacha eile ar an bhfile Séamas Mac Cuarta (c.1650–1732/3) é. Féach Lorcán Ó Muireadhaigh, Amhráin Sheumais Mhic Chuarta: an cheud chuid (Dún Dealgan, 1925), 80-2. Le haghaidh tuilleadh plé féach Donal O'Sullivan, Carolan, iml. 2, 21-2, agus Donal O'Sullivan agus Mícheál Ó Súilleabháin, Bunting’s ancient music of Ireland (Corcaigh, 1983), 105-6.