Ó hEilíre, Stiofán
Tue, 11/29/2011 - 15:39 | by Eoghan
Stiofán Ó hEilíre (le caoinchead Chnuasach Bhéaloideas Éireann, An Coláiste Ollscoile, BÁC)
Comhlánaíodh foirm eolais phearsanta (‘Personalbogen’) do gach cainteoir ag seisiúin taifeadta Scéim Doegen 1928-31. Is as na foirmeacha sin go príomha atá an t-eolas seo thíos bainte.
Grianghraif
Stiofán Ó hEilíre (le caoinchead Chnuasach Bhéaloideas Éireann, An Coláiste Ollscoile, BÁC)
Nóta beathaisnéise
Ó hEilíre (Hellery, Hillery, Ó hEalaoire), Stiofán (Stephen) (1858-1944): I mBaile Uí Choileáin, contae an Chláir, a rugadh é i mí na Nollag 1858. Ba iad Mícheál Ó hEalaoire agus Cáit Ní Dhanachair a thuismitheoirí. Scéalaithe ba ea an bheirt acu. D'fhreastail Stiofán ar an scoil áitiúil go neamhrialta ar feadh dhá bhliain nó trí. Cosúil lena athair, feirmeoir ba ea Stiofán. Bhí baint aige le Conradh na Talún ina cheantar. Bhí sé ina chónaí i mBaile Uí Choileáin lena mháthair le linn dhaonáirimh 1901 [http://www.census.nationalarchives.ie/reels/nai000471153/] agus 1911 [http://www.census.nationalarchives.ie/reels/nai001770284/] agus níor phós sé riamh. Fuair sé bás ar an gceathrú lá de Bhealtaine 1944. Leath a cháil mar scéalaí tar éis 1930, tráth a chuir an scoláire mór béaloidis Séamus Ó Duilearga aithne air. Foilsíodh na scéalta go léir a fuair Ó Duilearga uaidh in Daithí Ó hÓgáin (eag.), Leabhar Stiofáin Uí Ealaoire (BÁC, 1981). Tá roinnt mhaith ábhair a bailíodh uaidh ar fáil freisin i gCnuasach Bhéaloideas Éireann, COBÁC, mar aon le cuntas uaidh ar a shaol féin, agus cuntas iarbháis a scríobh Seán Mac Mathúna. Féach freisin: Ainm.ie ag http://www.ainm.ie/Bio.aspx?ID=81.
Foirm Eolais Phearsanta ('Personalbogen')
Comhlánaíodh foirm eolais phearsanta (‘Personalbogen’) do gach cainteoir ag seisiúin taifeadta Scéim Doegen 1928-31. Is as na foirmeacha sin go príomha atá an t-eolas seo thíos bainte. | Gnéas | Fireann |
|---|---|
| Foirm(eacha) Personalbogen a bhaineann leis an gcainteoir seo (Tagairt Leabharlann an RIA) | Doegen P-B/192 |
| Ceirníní a bhaineann leis an gcainteoir seo | LA 1161, LA 1162 |
| Teidil na rianta a bhaineann leis an gcainteoir seo | Billie Touras (cuid 1) - Stiofán Ó hEilíre Billie Touras (cuid 2); uimhreacha - Stiofán Ó hEilíre Tréigeann an fhéile - Stiofán Ó hEilíre |
| Rian(ta) a bhaineann leis an gcainteoir seo (Leagan Úsáideora) | LA_1161g1, LA_1162g1, LA_1162g2 |
| Céadainm (Canónta) | Stiofán |
| Sloinne (Canónta) | Ó hEilíre |
| Leagan(acha) eile den chéadainm | Stephen |
| Leagan(acha) eile den sloinne |
|
| Contae dúchais | Co. an Chláir |
| Seoladh | Baile Uí Choileáin, Dúlainn, Inis Díomáin, Co. an Chláir |
| Aois | 72 |
| Dáta breithe | Níl faisnéis ar fáil. |
| Áit bhreithe | Baile Uí Choileáin, Dúlainn, Co. an Chláir |
| Baile mór is gaire don áit bhreithe | Inis Díomáin, Co. an Chláir |
| Áit(eanna) ina raibh cónaí air/uirthi ó aois 0-6 | Baile Uí Choileáin, Co. an Chláir |
| Áit(eanna) ina raibh cónaí air/uirthi ó aois 7-20 | Baile Uí Choileáin, Co. an Chláir |
| Áit(eanna) ina raibh cónaí air/uirthi ó aois 20 | Baile Uí Choileáin, Co. an Chláir |
| Oideachas | D'fhreastail ar an scoil áitiúil go neamhrialta thar thréimhse 2-3 bliana, Dúlainn, Co. an Chláir |
| Áit dúchais an athar | Dún Mhic Fheidhlim, Dúlainn, Co. an Chláir |
| Áit dúchais na máthar | Luach, Dúlainn (Dubhlinn), Co. an Chláir |
| Slí bheatha an athar | Feirmeoir beag agus iascaire |
| Náisiúntacht | Éireannach |
| Máthairtheanga | Gaeilge |
| Teangacha eile seachas an Ghaeilge | Béarla |
| In ann léamh? | Tá (beagán Béarla) |
| In ann scríobh? | Tá (beagán Béarla) |
| In ann uirlis cheoil a sheinnt? | Níl |
| In ann ceol de chineál nua-aimseartha Eorpach a chanadh/sheinnt? | Níl |
| Reiligiún | Caitliceach |
| Slí bheatha | Feirmeoir |
| Ainmneacha ar an bhfoirm (e.g. baill d'fhochoiste an RIA) | Tomás Ó Máille, Séamus Ó Duilearga |
| Ráitis mar gheall ar urlabhra an chainteora srl. | "Very well told, but the speaker did not pause between 1 and 2." (Myles Dillon) |
