Ó Síocháin, Conchúr
Tue, 11/29/2011 - 15:39 | by Eoghan
Conchúr Ó Síocháin (le caoinchead Chnuasach Bhéaloideas Éireann, An Coláiste Ollscoile, BÁC)
Comhlánaíodh foirm eolais phearsanta (‘Personalbogen’) do gach cainteoir ag seisiúin taifeadta Scéim Doegen 1928-31. Is as na foirmeacha sin go príomha atá an t-eolas seo thíos bainte.
Grianghraif
Conchúr Ó Síocháin (le caoinchead Chnuasach Bhéaloideas Éireann, An Coláiste Ollscoile, BÁC)
Nóta beathaisnéise
Ó Síocháin (Ó Síothcháin, Sheehan), Conchúr (Conchubhar, Cornelius) (1866-1941): Ar Oileán Chléire, contae Chorcaí, a rugadh é ar an 18 Feabhra 1866, agus is ann a fuair sé a chuid bunscolaíochta. Is ansin a bhí sé ina chónaí le linn dhaonáirimh 1901 [http://www.census.nationalarchives.ie/reels/nai000591721/] agus 1911 [http://www.census.nationalarchives.ie/reels/nai002020359/]. B'fheirmeoir agus iascaire é. Ba cheardaí é chomh maith, agus tá cathaoir uilleann shúgáin dá dhéantús in Ard-Mhúsaem na hÉireann. Níor phós sé riamh. Fuair sé bás ar an 3 Feabhra 1941. Sholáthraigh sé píosaí seanchais agus ceoil don Lóchrann i 1930-31. Tá ábhar a bailíodh uaidh ar fáil i gCnuasach Bhéaloideas Éireann (COBÁC) chomh maith. Tá roinnt eolais faoi Chonchúr Ó Síocháin cruinnithe ar an suíomh Ainm.ie ag http://www.ainm.ie/Bio.aspx?ID=116. Tá breis eolais faoina bheatha sa leabhar Seanchas Chléire (BÁC, 1940), ina bhfuil ábhar a bhailigh Ciarán agus Mícheál Ó Síocháin uaidh. Tá sé aistrithe go Béarla ag Riobárd P. Breathnach faoin teideal The man from Cape Clear (BÁC, 1975).
Foirm Eolais Phearsanta ('Personalbogen')
Comhlánaíodh foirm eolais phearsanta (‘Personalbogen’) do gach cainteoir ag seisiúin taifeadta Scéim Doegen 1928-31. Is as na foirmeacha sin go príomha atá an t-eolas seo thíos bainte. | Gnéas | Fireann |
|---|---|
| Foirm(eacha) Personalbogen a bhaineann leis an gcainteoir seo (Tagairt Leabharlann an RIA) | Doegen P-B/9, Doegen P-B/10 |
| Ceirníní a bhaineann leis an gcainteoir seo | LA 1039, LA 1040 |
| Teidil na rianta a bhaineann leis an gcainteoir seo | An mac scaiptheach - Conchúr Ó Síocháin Ládáil loinge de chataibh - Conchúr Ó Síocháin Bean an leasa - Conchúr Ó Síocháin |
| Rian(ta) a bhaineann leis an gcainteoir seo (Leagan Úsáideora) | LA_1039d1, LA_1040d1, LA_1040d2 |
| Céadainm (Canónta) | Conchúr |
| Sloinne (Canónta) | Ó Síocháin |
| Leagan(acha) eile den chéadainm | Níl faisnéis ar fáil. |
| Leagan(acha) eile den sloinne | Níl faisnéis ar fáil. |
| Contae dúchais | Co. Chorcaí |
| Seoladh | Cléire, Co. Chorcaí |
| Aois | 61 |
| Dáta breithe | Níl faisnéis ar fáil. |
| Áit bhreithe | Cléire, Co. Chorcaí |
| Baile mór is gaire don áit bhreithe | An Sciobairín, Co. Chorcaí |
| Áit(eanna) ina raibh cónaí air/uirthi ó aois 0-6 | Cléire, Co. Chorcaí |
| Áit(eanna) ina raibh cónaí air/uirthi ó aois 7-20 | Cléire, Co. Chorcaí |
| Áit(eanna) ina raibh cónaí air/uirthi ó aois 20 | Cléire, Co. Chorcaí |
| Oideachas | Bunscoil, Cléire, Co. Chorcaí |
| Áit dúchais an athar | Cléire, Co. Chorcaí |
| Áit dúchais na máthar | Cléire, Co. Chorcaí |
| Slí bheatha an athar | Feirmeoir agus iascaire |
| Náisiúntacht | Éireannach |
| Máthairtheanga | Gaeilge |
| Teangacha eile seachas an Ghaeilge | Fíorbheagán Béarla |
| In ann léamh? | Níl |
| In ann scríobh? | Níl |
| In ann uirlis cheoil a sheinnt? | Níl |
| In ann ceol de chineál nua-aimseartha Eorpach a chanadh/sheinnt? | Níl |
| Reiligiún | Caitliceach |
| Slí bheatha | Feirmeoir |
| Ainmneacha ar an bhfoirm (e.g. baill d'fhochoiste an RIA) | Tadhg Ó Donnchadha, Wilhelm Doegen, Tomás Ó Rathile |
| Ráitis mar gheall ar urlabhra an chainteora srl. | "leise St[imme]" (Wilhelm Doegen) |
