Mac Coitir, Diarmuid
Tue, 11/29/2011 - 15:41 | by Eoghan
Diarmuid Mac Coitir (le caoinchead Chnuasach Bhéaloideas Éireann, An Coláiste Ollscoile, BÁC)
Diarmuid Mac Coitir (le caoinchead Chnuasach Bhéaloideas Éireann, An Coláiste Ollscoile, BÁC)
Diarmuid Mac Coitir (le caoinchead Chnuasach Bhéaloideas Éireann, An Coláiste Ollscoile, BÁC)
Comhlánaíodh foirm eolais phearsanta (‘Personalbogen’) do gach cainteoir ag seisiúin taifeadta Scéim Doegen 1928-31. Is as na foirmeacha sin go príomha atá an t-eolas seo thíos bainte.
Grianghraif
Diarmuid Mac Coitir (le caoinchead Chnuasach Bhéaloideas Éireann, An Coláiste Ollscoile, BÁC)
Diarmuid Mac Coitir (le caoinchead Chnuasach Bhéaloideas Éireann, An Coláiste Ollscoile, BÁC)
Diarmuid Mac Coitir (le caoinchead Chnuasach Bhéaloideas Éireann, An Coláiste Ollscoile, BÁC)
Nóta beathaisnéise
Mac Coitir (a Coitir, 'ac Coitir, Cotter), Diarmuid (Diarmaid, Jeremiah, Jerry Chrothúir Jer) (1880-1959): I mBéal Átha an Ghaorthaidh, contae Chorcaí, a rugadh é ar an 7 Bealtaine 1880, agus is ansin a d'fhreastail sé ar scoil. Cornelius Cotter, feirmeoir, a athair, agus Johanna McCarthy a mháthair. Tá fáil ar an teaghlach i ndaonáirimh 1901 [http://www.census.nationalarchives.ie/reels/nai000543140/] agus 1911 [http://www.census.nationalarchives.ie/reels/nai001966266/]. B'fheirmeoir é agus bhí baint aige le Dámhscoil Mhúscraí. Chum sé amhráin agus chuir sé ábhar seanchais chuig tréimhseacháin éagsúla. Tá dhá scéal leis in Sgéalta Andeas, a d'fhoilsigh Gael Linn. Bhuaigh sé duais ag Feis na Mumhan i 1901, agus bhuaigh sé duaiseanna Oireachtais i 1902-4, 1914 agus 1954-5. Phós sé Julia Ní Chéileachair as Sliabh Riabhach, Baile Bhuirne, agus chuaigh chun cónaithe ar an bhfeirm ansin mar chliamhain isteach. Bhí beirt mhac acu. Fuair Diarmuid bás ar an 9 Iúil 1959. Don ábhar béaloidis a bailíodh uaidh féach Risteárd de hAe, Clár Litridheacht na Nua-Ghaedhilge (BÁC, 1938-40), innéacs. Tá ábhar a bailíodh uaidh ar fáil i gCnuasach Bhéaloideas Éireann (COBÁC) chomh maith. Tá cuid mhaith eolais faoi Dhiarmuid Mac Coitir cruinnithe ar an suíomh Ainm.ie ag http://www.ainm.ie/Bio.aspx?ID=636. Tá breis eolais faoina bheatha ar fáil i bpíosa a scríobh Donncha Ó Cróinín faoi in Béaloideas32 (1964).
Foirm Eolais Phearsanta ('Personalbogen')
Comhlánaíodh foirm eolais phearsanta (‘Personalbogen’) do gach cainteoir ag seisiúin taifeadta Scéim Doegen 1928-31. Is as na foirmeacha sin go príomha atá an t-eolas seo thíos bainte. | Gnéas | Fireann |
|---|---|
| Foirm(eacha) Personalbogen a bhaineann leis an gcainteoir seo (Tagairt Leabharlann an RIA) | Doegen P-B/7, Doegen P-B/8 |
| Ceirníní a bhaineann leis an gcainteoir seo | LA 1037, LA 1038 |
| Teidil na rianta a bhaineann leis an gcainteoir seo | An mac scaiptheach - Diarmuid Mac Coitir An triúr iascairí - Diarmuid Mac Coitir |
| Rian(ta) a bhaineann leis an gcainteoir seo (Leagan Úsáideora) | LA_1037d1, LA_1038d1 |
| Céadainm (Canónta) | Diarmuid |
| Sloinne (Canónta) | Mac Coitir |
| Leagan(acha) eile den chéadainm | Diarmaid |
| Leagan(acha) eile den sloinne |
|
| Contae dúchais | Co. Chorcaí |
| Seoladh | Doire na Sagart, Baile Bhuirne, Co. Chorcaí (nó Doire na Sagart,
Béal Átha an Ghaorthaidh, Co. Chorcaí) |
| Aois | 48 |
| Dáta breithe | Níl faisnéis ar fáil. |
| Áit bhreithe | Béal Átha an Ghaorthaidh, Co. Chorcaí |
| Baile mór is gaire don áit bhreithe | Maigh Chromtha, Co. Chorcaí |
| Áit(eanna) ina raibh cónaí air/uirthi ó aois 0-6 | Béal Átha an Ghaorthaidh, Co. Chorcaí |
| Áit(eanna) ina raibh cónaí air/uirthi ó aois 7-20 | Béal Átha an Ghaorthaidh, Co. Chorcaí |
| Áit(eanna) ina raibh cónaí air/uirthi ó aois 20 | Béal Átha an Ghaorthaidh, Co. Chorcaí |
| Oideachas | Bunscoil, Béal Átha an Ghaorthaidh, Co. Chorcaí |
| Áit dúchais an athar | Béal Átha an Ghaorthaidh, Co. Chorcaí |
| Áit dúchais na máthar | Béal Átha an Ghaorthaidh, Co. Chorcaí |
| Slí bheatha an athar | Feirmeoir |
| Náisiúntacht | Éireannach |
| Máthairtheanga | Gaeilge |
| Teangacha eile seachas an Ghaeilge | Béarla |
| In ann léamh? | Tá (Gaeilge agus Béarla) |
| In ann scríobh? | Tá (Gaeilge agus Béarla) |
| In ann uirlis cheoil a sheinnt? | Níl |
| In ann ceol de chineál nua-aimseartha Eorpach a chanadh/sheinnt? | Níl |
| Reiligiún | Caitliceach |
| Slí bheatha | Feirmeoir |
| Ainmneacha ar an bhfoirm (e.g. baill d'fhochoiste an RIA) | Tadhg Ó Donnchadha, Wilhelm Doegen, Tomás Ó Rathile |
| Ráitis mar gheall ar urlabhra an chainteora srl. | "h/ha" (Wilhelm Doegen) |
